1 ліпеня наш гісторыка-этнаграфічны музей "Кола часу" наведалі навучэнцы пачатковых класаў СШ №1 г.Дзятлава, удзельнікі летняга аздараўленчага лагера.

Перамога ў намінацыі "Музейная паштоўка"

    Наша музейная паштоўка "Зямля пад раскідзістым вязам" перамагла ў адпаведнай намінацыі раённага агляда-конкурса "Зямля бацькоў - зямля святая"

Інтэрнэт-квэст "Кола часу"

Паважаныя наведвальнікі маёй старонкі! У цяперашні час, калі індустрыя ІТ-тэхналогій не стаіць на месцы і кожны дзень здзіўляе нас сваімі магчымасцямі і дасягненнямі, а на вуліцы існуе рызыка падхапіць вірус, мы, кіраўнік і члены Савета музея, вырашылі разнастаіць вашы будні. 

Прапаную правесці час дома весела, актыўна і з карысцю за Інтэрнэт-квэстам “Кола часу”!

Уявіце: вы прачнуліся і трапілі ў мінулае. Не палохайцеся, у тым часе вам прыйдзецца прабыць толькі абмежаваны час, але важна не выдаць сябе. А для гэтага трэба добра падрыхтавацца і авалодаць як мага большым аб'ёмам інфармацыі. 

Прайшоўшы квэст, вы зможаце трапіць у “круг абраных”, якія валодаюць таемнай інфармацыяй.

Перайсці на старонку КВЭСТА

18 мая - Міжнародны дзень музеяў

 

Абласны конкурс навукова-тэхнічнай творчасці навучэнскай моладзі "ТэхнаІнтэлект"

     20 лютага 2021 года прайшоў абласны конкурс навукова-тэхнічнай творчасці навучэнскай моладзі "ТэхнаІнтэлект". У секцыі "Мультымедыйныя тэхналогіі" прымалі ўдзел тры вучаніцы нашай установы, члены Савета музея і музейнага пакоя: Клімко Аляксандра, ХІ клас, Губар Святлана, Х клас і Юркевіч Крысціна, VІІІ клас. Яны прадстаўлялі творчыя камп'ютарныя праекты патрыятычнай накіраванасці.

Тэхнічныя здольнасці і якасная абарона работ нашых прыгажунь прывялі да перамогі і ўзнагароды дыпломамі Гродзенскага абласнога цэнтра тэхнічнай творчасці!

Юркевіч Крысціна - дыплом ІІ ступені

Клімко Аляксандра - дыплом ІІІ ступені

Віншуем з такімім значнымі дасягненнямі! Так трымаць!

Музейная экспазіцыя “Афганістан у лёсах нашых землякоў” у музейным пакоі “Памяць”

        32 гады таму скончылася Афганская вайна, якая ўвайшла ў многія сем'і горам, трывогай і перажываннямі. Многія не жадаюць успамінаць аб тых падзеях, каб не верадзіць душу, але ўспаміны вяртаюцца, ўдараюць рыкашэтам па душах бацькоў, блізкіх і саміх ветэранаў Афганістана. Памяць - гэта, напэўна, адзінае, што дапамагае чалавеку думаць, суперажываць, не забываць пра тых, хто сумленна служыў і быў верны прысягі, пра тых, хто ў сваім апошнім баі не збаяўся і ня змаладушнічаў, а загінуў салдатам, верным свайму абавязку перад Радзімай.

Дзень музейнага сэлфі

 

       27 лістапада 2020 года Міністэрства асветы Расійскай Федэрацыі на лічбавай платформе Усерасійскага цэнтра развіцця мастацкай творчасці і гуманітарных тэхналогій дало старт фіналу Вялікага Усерасійскага фестывалю дзіцячай і юнацкай творчасці з міжнародным удзелам. Праграма фіналу фестывалю доўжылася да 29 лістапада ўключна.

Сваімі талентамі і дасягненнямі гледача парадавалі гэтымі днямі не толькі ўдзельнікі з 55 рэгіёнаў Расіі, але і з-за мяжы, 7-мі краін: Арменіі, Рэспублікі Беларусь, Данецкай Народнай Рэспублікі, Луганскай Народнай Рэспублікі, Францыі, Егіпта і Эфіопіі. Усе фестывалі былі прысвечаны адной задачы - даць кожнаму з дзяцей і падлеткаў раскрыць свой талент, даць яму загучаць па-асабліваму. Ва ўсіх этапах Фестываляў у гэтым годзе прыняло ўдзел больш за 500 000 чалавек.

Аб'яднаныя ў адзін Вялікі, чатыры фестывалі – падзея, якая ўвабрала ў сябе больш за 20 напрамкаў творчасці. У адным з іх – “кіно” – вучаніца нашай установы адукацыі Юркевіч Крысціна заняла І месца! Віншуем з такім Вялікім дасягненнем! 

Усе падзеі фестывалю захаваныя ў лічбавым фармаце і да наступнага фестывалю на працягу ўсяго года іх можна будзе паглядзець на платформе grandfestival.vcht.center.

Конкурс камп'ютарных распрацовак патрыятычнай накіраванасці "ПАТРЫЁТ.by"

Падведзены вынікі абласнога конкурсу камп'ютарных распрацовак патрыятычнай накіраванасці «ПАТРЫЁТ.by». У гэтым годзе конкурс праводзіўся ў завочнай форме 09 і 10 лістапада 2020 года. 

Ад нашай установы адукацыі былі пададзены 2 работы (у тым ліку 1 сумесна з Цэнтрам турызма і краязнаўства дзяцей і моладзі г.Дзятлава):

Online квэст “Хвала і слава Перамозе і Пераможцу ў той вайне!”, аўтар: Губар Святлана, вучаніца Х класа;

Інтэрактыўны праект “Памяць аб трагедыі беларускага “Артэка””, аўтар: Юркевіч Крысціна, вучаніца VІІІ класа, член аб’яднання па інтарэсах “Юныя краязнаўцы”.

Па выніках конкурса ў Губар Святланы ІІ месца, а работа Юркевіч Крысціны заняла І месца і будзе прадстаўлена на рэспубліканскім этапе конкурса.

Віншуем пераможцаў!

Музейная паштоўка "Зямля пад раскідзістым вязам" у рамках раённага конкурса "Зямля бацькоў - зямля святая"

 

    Вось ужо падыходзіць да завяршэння трэці і апошні Год малой радзімы... Менавіта цяпер хочацца яшчэ раз прадэманстраваць прыгажосць роднага краю і запэўніць, што кожны куток беларускай зямлі годны ведаў, павагі і памяці.

       Работа прадстаўляе сабой сувязь сімвалаў: бусел - сімвал Беларусі; вяз - дрэва, ад якога і пайшла назва населенага пункта. Паштоўка створана рукамі кіраўніка музеяў, але без дапамогі навучэнцаў не абышлося. Усе фотаздымкі Вензавецкага краю - дзіцячыя работы, якія творча і крэатыўна адлюстроўваюць розныя аспекты вясковага жыцця. Асноўная канцэпцыя данай паштоўкі - паказаць аграгарадок Вензавец ва ўсёй прыгажосці, якую за паўсядзённымі падзеямі мы не заўсёды можам заўважыць.