Аўтары праекта: Клімко Аляксандра Русланаўна,
Сарачынская Ульяна Юр’еўна, вучаніцы Х класа.
Кіраўнік праекта: Латушка Кацярына Валер’еўна,
настаўніца інфарматыкі, кіраўнік музейнага пакоя “Памяць”, музея “Кола часу”.
Актуальнасць. У наш час актуальна
праблема фарміравання грамадзянскай і нацыянальнай ідэнтычнасці ў падрастаючага
пакалення. Немалаважнай праблемай з'яўляецца і праблема вымірання вёсак і
змяншэння колькасці сельскага насельніцтва, што ў сваю чаргу выклікае значнае
скарачэнне колькасці людзей, якія не толькі намінальна ідэнтыфікуюць беларускую
мову як родную, але і практыкуючых беларускамоўнасць у побыце.
Дэвіз праекта: "Кожны сельскі куток беларускай
зямлі годны ведаў, павагі і памяці".
Аб'ектам даследавання ў працэсе стварэння
праекта выступіў аграгарадок Вензавец Дзятлаўскага раёна Гродзенскай
вобласці. Прадметам даследавання
з'яўляюцца гісторыка-культурная і духоўная спадчына, дасягненні землякоў,
сацыяльна-бытавыя ўмовы пражывання ў аграгарадку.
З мэтай стварэння ўмоў для фарміравання павагі да
мінулага і сучаснасці свайго роднага краю і ў рамках рэалізацыі Плана мерапрыемстваў да Года
малой Радзімы быў створаны блог "Зямля пад раскідзістым вязам".
Комментариев нет:
Отправить комментарий